പേരാമ്പ്ര: കേരള ഗ്രന്ഥശാല പ്രസ്ഥാനത്തിന്റെ 75-ാം വാർഷിക ആഘോഷത്തിന്റെ ഭാഗമായി, കൊയിലാണ്ടി താലൂക്ക് ലൈബ്രറി കൗൺസിൽ കേരള ഗ്രന്ഥ ശാലാ സംഘം പ്ലാറ്റിനം ജൂബിലി പേരാമ്പ്ര മേഖല ആഘോഷം മേപ്പയ്യൂർ നടന്നു. ആഘോഷ പരിപാടി മേപ്പയ്യൂർ ടി.കെ.കൺവെൻഷൻ സെന്ററിൽ തൊഴിൽ എക്സൈസ് വകുപ്പ് മന്ത്രി ടി.പി.രാമകൃഷ്ണൻ ഉദ്ഘാടനം ചെയ്തു. കൊയിലാണ്ടി താലൂക്ക് ലൈബ്രറി കൗൺസിൽ പ്രസിഡണ്ട് കെ.നാരായൺ ൻ അധ്യക്ഷത വഹിച്ചു. “ഗ്രന്ഥശാലകളും സാമൂഹ്യ വികാസവും” എന്ന വിഷയത്തിൽ സ്റ്റേറ്റ്ലൈബ്രറി കൗൺസിൽ കമ്മിറ്റിയംഗം ബി.സുരേഷ് ബാബു ,നവകേരള നിർമിതിയിൽ ഗ്രന്ഥശാലകളുടെ പങ്ക് എന്ന വിഷയത്തിൽ ഡോ: ജിനേഷ് കുമാർ എരമം പ്രഭാഷണം നടത്തി.മേലടി ബ്ലോക്ക് പഞ്ചായത്ത് പ്രസിഡണ്ട് കെ.കുഞ്ഞിരാമൻ, താലൂക്ക് ലൈബ്രറി കൗൺസിൽ സെക്രട്ടറി പി.വേണു, മേപ്പയ്യൂർ ഗ്രാമപഞ്ചായത്ത് വൈസ് പ്രസിഡണ്ട് കെ.ടി.രാജൻ, ഇ.കുഞ്ഞിക്കണ്ണൻ, ഷർമിന കോമത്ത്, ഭാസ്കരൻ കൊഴുക്കല്ലൂർ, കെ.ടി.ബി ‘കല്പ് ത്തൂർ, എൻ ,ശങ്കരൻ മാസ്റ്റർ, കെ.വി.രാജൻ, എ.എം സുപ്രഭ ടീച്ചർ, എ.എം.കുഞ്ഞിരാമൻ, കെ.വി.രാജൻ,എൻ.ആലി എന്നിവർ പ്രസംഗിച്ചു.സമാപന സമ്മേളനം ജില്ലാ ലൈബ്രറി കൗൺസിൽ സെക്രട്ടറി കെ.ചന്ദ്രൻ മാസ്റ്റർ ഉദ്ഘാടനം ചെയ്തു.സംസ്ഥാന കൗൺസിൽ അംഗം സി. കുഞ്ഞമ്മദ് അദ്ധ്യക്ഷത വഹിച്ചു. പരിപാടിയിൽ വെച്ച് ആദ്യകാല ഗ്രന്ഥശാലാ പ്രവർത്തകരെ ആദരിച്ചു.എ.എം.കുഞ്ഞിരാമൻ സ്വാഗതവും പി.കെ.ഷിംജിത്ത് നന്ദിയും പറഞ്ഞു.
